NI MADINI TENA! HAYAJAMWACHA MTU SALAMA!

Waziri Simbachawene

Madini ya Tanzanite

Ripoti za kamati za uchunguzi wa biashara ya madini ya Tanzanite na Almasi zilizoundwa na spika wa Bunge Job Ndugai ziliwasilishwa na Waziri mkuu wa Jamhuri ya Muungano ndugu Kassim Majariwa mikononi mwa rais Magufuli jana Ikulu jijini Dar es salaam. Ripoti hizo zimewataja baadhi ya viongozi wa Serikali akiwemo Katibu Mkuu wa Wizara ya Nishati na Madini, James Mdoe; Waziri wa Tamisemi, George Simbachawene na Naibu Waziri wa Ujenzi, Uchukuzi, Mawasiliano Edwin Ngonyani na wengine.

Baada ya kupokea ripoti hiyo,

Rais Magufuli amewataka wateule wake wote waliotajwa katika ripoti za kamati zilizotathmini mfumo wa uchimbaji, usimamizi, umiliki na udhibiti wa madini ya tanzanite na almasi kukaa pembeni kupisha vyombo vya ulinzi na usalama kufanya kazi zake.

Katika kutii agizo la Rais Magufuli;Waziri wa Nchi, Ofisi ya Rais Tawala za Mikoa na Serikali za Mitaa, George Simbachawene ameandika barua ya kujiuzulu wadhifa huo baada ya kutajwa katika ripoti za uchunguzi wa biashara ya madini ya Tanzanite na Almasi iliyoonyesha namna serikali lilivyopoteza matrilioni ya fedha kutokana na sababu mbalimbali.

Aidha, Simbachawene amedai kuwa ametajwa kuhusika kwakuwa alikuwa ni mmoja wa watendaji na hivyo ni kama ajari tu lakini hakuwa na lengo la kuihujumu nchi wala kuiletea nchi hasara iliyotajwa katika ripoti hiyo. Magufuli ameagiza kukamatwa kwa watakaobainika na kulitia ama kulisababishia taifa  na wachukuliwa hatua za kisheria.